ကိုယ်ရေး အချက်အလက် မူဝါဒ
နောက်ဆုံး ပြင်ဆင် — ၂၀၂၆ ခုနှစ် အောက်တိုဘာ ၂၃ ရက်
သင့် အချက်အလက်ကို ဘာသိမ်းလဲ၊ ဘယ်သူ မြင်လဲ၊ ဘယ်လောက် ကြာကြာ ထားလဲ ဆိုတာ app တကယ် အလုပ်လုပ်ပုံအတိုင်း ရေးထားပါတယ်။
✅ အတိုချုပ်
သင့် မေးခွန်း / အဖြေကို သင်နဲ့ admin ပဲ မြင်နိုင်ပါတယ်။ ⭐ မထားရင် ၃ လ အကြာ ဖျက်ပါတယ်၊ ပုံတွေကို ၃၀ ရက် အကြာ ဖျက်ပါတယ်။ ဘယ်သူ့ကိုမှ မရောင်းပါ၊ ကြော်ငြာ tracker မသုံးပါ။ AI အဖြေ ထုတ်ဖို့ Google Gemini ဆီ ပို့ပါတယ်။
1.ဘာတွေ သိမ်းလဲ
- အကောင့် — Google / Facebook ကနေ ရတဲ့ နာမည်နဲ့ email၊ သင်ဖြည့်တဲ့ ဖုန်းနံပါတ်၊ HIP ကျောင်းသား နံပါတ် (ဖြည့်မှ)။
- ဆိုင် Profile (ဖြည့်မှ) — ခေါ်စေချင်တဲ့ နာမည်၊ ဆိုင်နာမည်၊ မြို့နယ် / မြို့၊ ဆိုင် အမျိုးအစား၊ ဖွင့်ချိန်၊ ဝန်ထမ်း၊ ဖောက်သည်၊ ရောင်းအား အပိုင်းအခြား၊ မှတ်ချက်နဲ့ profile ပုံ။
- မေးခွန်း နှင့် အဖြေ — စာ၊ တင်တဲ့ ပုံ၊ AI အဖြေ၊ ကိုးကား ရင်းမြစ်၊ ⭐ သိမ်းထားမှု၊ 👍/👎 feedback။
- Tool မှတ်တမ်း — ဆေးတွဲ စစ်ရန်နဲ့ ဆေးသောက်နည်း မှာ ထည့်တဲ့ ဆေးနာမည်၊ ပုံ၊ လူနာ အခြေအနေ (ဥပမာ ကိုယ်ဝန်) နဲ့ ရလဒ်။
- ငွေပေးချေမှု — plan၊ ပမာဏ၊ slip ပုံ၊ approve ရက်စွဲ၊ invite link နဲ့ ဝင်ရင် သင်ရေးတဲ့ မှတ်ချက်။
- အသုံးပြုမှု — credit သုံးစွဲမှု အရေအတွက်နဲ့ app ထဲက အဖြစ်အပျက် (ဥပမာ “စမေးတယ်”၊ “upgrade နှိပ်တယ်”)။ AI ကုန်ကျစရိတ် တွက်ဖို့ token အရေအတွက်။
Password မသိမ်းပါ (Google / Facebook နဲ့ ဝင်ပါတယ်)။ ဘဏ်ကတ် နံပါတ်၊ မှတ်ပုံတင် နံပါတ် မတောင်းပါ။
2.ဘာအတွက် သုံးလဲ
- မေးခွန်းကို ဖြေဖို့ နဲ့ chat တစ်ခုထဲမှာ ရှေ့က စာ ၁၀ ခုကို context အဖြစ် မှတ်ထားဖို့။
- ဆိုင် Profile ဖွင့်ထားရင် သင့်ဆိုင်၊ မြို့နယ်နဲ့ ကိုက်တဲ့ အဖြေ ပေးဖို့ (Profile မှာ ပိတ်လို့ ရပါတယ်)။
- Credit၊ plan နဲ့ ငွေပေးချေမှု စစ်ဆေးဖို့။
- AI အဖြေ အရည်အသွေး၊ ကုန်ကျစရိတ်နဲ့ အမှား ပြင်ဖို့ (👎 feedback ကို ပြန်စစ်ပါတယ်)။
- သင့်ကို ဆက်သွယ်ဖို့ — slip၊ plan ကိစ္စ ရှိမှသာ။ Spam မပို့ပါ။
3.ဘယ်သူ မြင်နိုင်လဲ
- သင် ကိုယ်တိုင် — သင့် data ကိုပဲ မြင်ရပါတယ်။ Database မှာ Row Level Security ဖွင့်ထားလို့ တခြား user ရဲ့ data ကို ကြည့်လို့ မရပါ။
- Admin (DrTun နှင့် ခန့်ထားတဲ့ admin) — slip စစ်ဖို့၊ plan ဖွင့်ဖို့၊ 👎 feedback နဲ့ ပြဿနာ စစ်ဖို့ လိုအပ်မှ ကြည့်ပါတယ်။
- ပုံ၊ slip၊ profile ပုံ အားလုံးကို private storage မှာ ထားပြီး ခဏပဲ သုံးလို့ရတဲ့ link နဲ့သာ ဖွင့်ပါတယ်။
- မရောင်းပါ — သင့် data ကို ဘယ်သူ့ကိုမှ မရောင်း၊ မငှားပါ။ Facebook Pixel / Google Analytics လို ကြော်ငြာ tracker မသုံးပါ။
- ဥပဒေအရ တရားဝင် တောင်းဆိုမှသာ လိုအပ်သလောက် ပေးရနိုင်ပါတယ်။
4.ပြင်ပ ဝန်ဆောင်မှုများ
App အလုပ်လုပ်ဖို့ အောက်ပါ ဝန်ဆောင်မှုတွေကို သုံးပါတယ် — လိုအပ်သလောက်ပဲ ပို့ပါတယ်။
| ဝန်ဆောင်မှု | ဘာပို့လဲ |
|---|---|
| Google Gemini (AI) | မေးခွန်း၊ ပုံ၊ chat ထဲက ရှေ့စာ ၁၀ ခု၊ ဆိုင် Profile (ဖွင့်ထားရင်)၊ tool မှာ ထည့်တဲ့ ဆေးနာမည်နဲ့ အခြေအနေ။ Profile ပုံ၊ ဖုန်း၊ email မပို့ပါ။ |
| Google Search | Web ရှာခြင်း ဖွင့်ထားမှ / tool တွေမှာ — မေးခွန်းကနေ ထုတ်ထားတဲ့ ရှာဖွေရေး စကားလုံး (အောက် အပိုင်း ၅)။ |
| Supabase | Database နဲ့ ဖိုင် သိမ်းဆည်းမှု — အထက်က data အားလုံး။ |
| Google / Facebook Login | ဝင်ဖို့ပဲ — နာမည်နဲ့ email ကို ပြန်ရပါတယ်။ |
| Telegram (admin သတိပေးချက်) | Slip / invite တောင်းဆိုမှု အသစ် ရောက်ရင် နာမည်၊ ဖုန်း၊ plan ကို admin ဆီ ပို့ပါတယ်။ |
AI Pharmacy က Gemini ကို ငွေပေး API နဲ့ သုံးပါတယ်။ Google ရဲ့ ငွေပေး API စည်းကမ်းအရ မေးခွန်း / အဖြေကို Google ရဲ့ AI model လေ့ကျင့်ဖို့ မသုံးပါ — ဒါပေမဲ့ အလွဲသုံးစားမှု စစ်ဖို့ Google က ကန့်သတ် အချိန်အတွင်း ထားနိုင်ပါတယ်။
5.Web ရှာတဲ့အခါ
- “🌐 Web ပါ ရှာ” ကို အမှန်ခြစ်ထားမှ (ငွေပေး plan) နဲ့ HIP သင်ခန်းစာထဲ မပါမှသာ ရှာပါတယ်။
- ဆေးတွဲ စစ်ရန်နဲ့ ဆေးသောက်နည်း tool တွေက မပါတဲ့ အချက်အတွက် အလိုအလျောက် ရှာနိုင်ပါတယ်။
- ရှာဖွေရေး စကားလုံးကို Google Search ဆီ ပို့ပါတယ် — ဒါကြောင့် မေးခွန်းထဲမှာ လူနာ နာမည် လုံးဝ မထည့်ပါနဲ့။
- ယုံကြည်ရတဲ့ ဆေးပညာ site စာရင်းကနေပဲ ကိုးကားပါတယ်။ Google ရဲ့ “ရှာဖွေမှု အကြံပြု” ကို စည်းကမ်းအရ အဖြေ အောက်မှာ ပြပေးရပါတယ်။
Site စာရင်း အပြည့်အစုံ — အသုံးပြုမှု စည်းကမ်း › အဖြေ ရင်းမြစ်
6.ဘယ်လောက် ကြာကြာ သိမ်းလဲ
| Data | သိမ်းချိန် |
|---|---|
| Chat (⭐ မပါ) | နောက်ဆုံး သုံးပြီး ၃ လ (၉၀ ရက်) အကြာ ဖျက် |
| ⭐ ပါတဲ့ chat | သင် ⭐ ဖြုတ် / ဖျက်တဲ့အထိ |
| မေးခွန်း ပုံ | ၃၀ ရက် အကြာ ဖျက် (⭐ ပါတဲ့ chat မှာ ကျန်) |
| ဆေးတွဲ / ဆေးသောက်နည်း မှတ်တမ်း | ⭐ မပါရင် ၃ လ အကြာ ဖျက်၊ ပုံ ၃၀ ရက် |
| အကောင့်၊ ဆိုင် Profile | အကောင့် ဖျက်တဲ့အထိ |
| ငွေပေးချေမှု မှတ်တမ်း၊ slip | စာရင်းအင်း အတွက် ဆက်ထားပါတယ် |
7.လူနာ အချက်အလက်
🔴 လူနာ နာမည်၊ မှတ်ပုံတင်၊ ဖုန်း၊ လိပ်စာ မထည့်ပါနဲ့
“အသက် ၆၀ အမျိုးသား၊ ဆီးချို ရှိ” လို အထွေထွေပဲ ရေးပါ။ ဆေးစာ / ဆေးအိတ် ပုံမှာ လူနာ နာမည် ပါရင် ဖုံးပြီး ဒါမှမဟုတ် ဖြတ်ပြီးမှ တင်ပါ။
8.သင် လုပ်နိုင်တာများ
- ဆိုင် Profile ကို ပြင်၊ ဖျက်၊ ပုံ ဖြုတ်၊ “ဒီ Profile နဲ့ ကိုက်အောင် ဖြေပါ” ကို ပိတ် နိုင်ပါတယ်။
- Chat၊ ဆေးတွဲ စစ်ချက်၊ ဆေးသောက်နည်း မှတ်တမ်း တစ်ခုချင်း ဖျက်နိုင်ပါတယ်။ ⭐ ဖြုတ်နိုင်ပါတယ်။
- အကောင့် › “Data ဖျက်ရန်” — chat၊ ပုံ၊ tool မှတ်တမ်း အားလုံး ချက်ချင်း ဖျက်ပါတယ်။
- အကောင့် တစ်ခုလုံး ဖျက်ချင်ရင်၊ သင့် data မိတ္တူ လိုချင်ရင် Messenger မှာ ပြောပါ။
9.Browser ထဲ သိမ်းတာ
ဝင်ထားဖို့ login cookie၊ “Web ပါ ရှာ” ရွေးထားမှု၊ ဘေး menu ဖွင့်/ပိတ် နဲ့ invite link ကို သင့် browser ထဲမှာပဲ သိမ်းပါတယ်။ ကြော်ငြာ cookie မသုံးပါ။
- Offline မိတ္တူ — ⭐ သိမ်းထားတဲ့ အဖြေ၊ ဆေးသောက်နည်း label၊ ဆေးတွဲ စစ်ချက်တွေကို line မရှိလည်း ဖတ်ရအောင် ဖုန်းထဲမှာ မိတ္တူ ကူးထားပါတယ်။ မူရင်းက server မှာပဲ ရှိပါတယ်။
- ဆေးကတ် (Plan ဝယ်သူ) — ဆေးကတ်တွေကို သင့်အကောင့် key နဲ့ encrypt လုပ်ပြီး ဖုန်းထဲ သိမ်းပါတယ်။ ကတ်ပေါ်မှာ သင့်နာမည်နဲ့ ဖုန်းနံပါတ်ကို ဖျော့ဖျော့ ပြထားပါတယ် (ကူးယူ ဝေမျှမှု မဖြစ်စေရန်)။ Line နဲ့ ၃၀ ရက်အတွင်း တစ်ခါ မဖွင့်ရင် (သို့) Plan ကုန်ရင် ဖွင့်မရတော့ပါ။
- ပို့ဖို့ စောင့်နေတဲ့ မေးခွန်း — line မရှိတုန်း မေးထားတာ (ပုံ ပါရင် ပုံပါ) ကို ပို့ပြီးတာနဲ့ ဖုန်းထဲက ဖျက်ပါတယ်။
- ဖျက်ပုံ — “ထွက်မယ်” နှိပ်ရင်၊ ဒီဖုန်းမှာ တခြား အကောင့် ဝင်ရင် ဖုန်းထဲက မိတ္တူ အားလုံး ဖျက်ပါတယ်။ ဆိုင် ဖုန်း အများသုံးရင် သုံးပြီးတိုင်း ထွက်ပါ။
10.ပြောင်းလဲမှု နှင့် ဆက်သွယ်ရန်
Data ကိုင်တွယ်ပုံ ပြောင်းရင် ဒီစာမျက်နှာကို ပြင်ပြီး ထိပ်က ရက်စွဲ ပြောင်းပါမယ်။ မေးစရာ ရှိရင် Messenger မှာ ဆက်သွယ်ပါ။